Jafer Books 📚

"ይቺ ሀገር ውለታ ለዋለላት አትሆንም" ይላል። ይሄን ሲል ሰምተው ለሀገርህ የሰራኸው ውለታ ምንድን ነው? ብለው ሲጠይቁት፦ "ለናት ሀገር ጥሪ ዘምቼ ነበር። ሚንስ ቤት እንጨት ፈላጭ ነበርኩ።"ብሎ ሲመልስ አፉን እንኳን ሀፍረት ጥቂት ያዝ አያደርገውም። ማድቤት ለማድቤት ሲንፏቀቅ የከረመ እንኳን ዛሬ ለኑሮው መናጋት የሚወቅሰው ሀገሩን ነው። ሀገር መስደብ እና መውቀስ ለስንፍና ማባበያ የሚሆንበት ዘመን ላይ ደርሼ ይህን አያለው ብዬ አስቤ አላውቅም ነበር። እኔ ከጀብሃ መንጋጋ ስንቴ ያመለጥኩ፣ ዳር ድንበር ላይ ደረቴን ለጥይት ሰጥቼ የተጋደልኩ ሻለቃ የነበርኩት እንኳን፣ ዛሬ እንጀራዬ ሆኖ ማዕረግ በደረደርኩበት ትከሻዬ አመድ ብሸከምም፣ ሀገሬን ግን 'ውለታ ቢስ ነች' ለማለት አልደፍርም። ሀገር ሁሌም እንደ እናት ነች። ይልቅ እኔ የሚሰማኝ በደግ እናቱ ቤት ክፉ እንጀራ አባቶች በተደጋጋሚ እንደሚያጋጥሙት እድለ ቢስ ልጅ አይነት ነው። ለዚህም ደግ እናቴን በጭራሽ አልወቅስም።

ዋናው መግቢያ በር ላይ ስንደርስ ሰውነታቸው ፈርጣማ በቁጥር አራት የሆኑ ወጣት የግብጽ ወታደሮች ተቀበሉንና እንደ አመጣጣችን አሰልፈው ሻንጣችንንና ኪሳችንን እነሱ ካሉበት አጥር ከመግባታችን በፊት ፈተሹን። ዓይኔን ወደ ተራራው ላክው ራቅ ራቅ ብለው የተወሰኑ የግብጽ መለዮ ያለበት የወታደር ልብስ የለበሱ ሰዎች መሳሪያ ወድረው አካባቢውን እየጠበቁ እንዳሉ አስተዋልኩ። ወታደሮቹ ሰላማዊ መሆናችንን ሲያረጋግጡ አሳለፉን። ጉዞችንን ወደ ግቢው አደረግን። ከወታደሮቹ ትንሽ እንደራቅን ሶስት መነኩሴዎች እንደገና ከግቢው በር ወጥተው ተቀበሉን። በመምጣታችን ደስታ ቢታይባቸውም ሁሉንም ሰው ከወዴት እንደመጣ መጠየቅ ስለነበረባቸው የመጣንበትን ቦታ፣ ሀይማኖታችንን፣ የመጣንበትን ምክንያት፣ ፓስፖርትና ሌሎችን ነገሮች አከታትለው ጠየቁን። አባ እና እኔ እንደ ባህላችን ታላላቅ ገዳማት ስንሄድ እንደምናደርገው ጫማችንን አውልቀን በፌስታል አድርገን በእጃችን ያዝን። ሌሎቹ ግን ጫማቸውን ከእግራቸው ሳያወልቁ ግቢው ውስጥ ገቡ። እንደገባን ከተሳለምንና ለጸሎት ፋታ ከወሰድን በኃላ እዚህ ግቢ ውስጥ በግንብ ከተሰራ የላሜራ ክዳን ያለው ማረፊያ ስር ተጠለልን። አሁን ከሀገር ቤት ፈልጌያቸው የመጣሁትን ኢትዮጽያዊ መነኩሴ አባ ሰላመ አብን አባ ሳሙኤል እንዴት እንደሚያገናኙኝ እያሰብኩ ነው። እስከ አሁን የተወሰኑ መነኮሳትን አትክልቱ ስፍራ ላይና ግቢው ውስጥ ተመልክቼ ነበር ከመካከላቸው ግን አንድም ኢትዮጵያዊ አባት አላየሁም።...

የመጽሐፍ ፊርማ ስነስርአት በአርቲስት አዳነች ወልደገብርኤል የተዘጋጀው " የአዲ ጠብታ " የተሰኘው መጽሐፍ የፊታችን ቅዳሜ ግንቦት 29 ለገሃር ተወልደ ስር በሚገኘው አዲሱና ዘመናዊ መጽሐፍ መደብራችን ከ ቀኑ 8:00 - 10:00 ባለው ጊዜ ይካሄዳል !

New arrival🚨🚨kids story books 🔥🔥

የመንጌ ውሽሚት በተሰኘው ተወዳጅ መጽሐፉ የምናውቀው ተስፋዬ አለነ አባተ " ማርሲላስ " የተሰኘ አዲስ መጽሐፍ ለንባብ አብቅቷል ! በሁሉም መደብሮቻችን ያገኙታል !

የመጽሐፍ ፊርማ ስነስርአት የፊታችን ቅዳሜ ግንቦት 29 2018 ከቀኑ ስምንት ሰአት ጀምሮ በ አዳነች ወ/ገብሬልየተፃፈዉ “የአዲ ጠብታ”የተሰኘው መጽሐፍ ለገሃር ተወልደ ሕንጻ ስር በከፈትነው አዲሱ የጃዕፈር መጻህፍት መደብር የፊርማ ስነስርአት ይካሄዳል :: ቅዳሜ አይቀርም🔥🔥🔥