Jafer Books 📚

እንደ አውሮፓውያን አቆጣጠር በ1965 ዓ.ም ላይ ነበር የንጉሥ ኃይለሥላሴን ፊውዳላዊ ሥርዓት የመቃወም ሀሳብ በአእምሮዬ ውስጥ ብልጭ ያለው። እናም ይህ ሀሳብ ብልጭ ካለብኝ በኃላ ለብዙ ጊዜ ከራሴ ጋር ግብ ግብ ገጠምኩ። በአንድ በኩል ፊት ለፊት ለመቃወም ይዳዳኛል። በሌላ በኩል ደግሞ የማይሆን ነገር ውስጥ ገብቼ እንዳልሳሳት ሰጋሁ። ፊት ለፊት ብቃወም በእኔ ላይ የሚመጣብኝን ወይም ሊደርስብኝ የሚችለውን ነገር መገመት አልተቻለኝም ነበር። አገር ቤት ሳለሁ ያለምንም ምክንያት የግለሰቦች ንብረት ሲቀማ አይቻለሁ። ብዙ ሰዎች ያለፍርድ ሲታሰሩ ተመልክቻለሁ። በዚህ መልኩ ያየኋቸው በደሎች ብዙ ናቸው። በአንድ በኩል ፊት ለፊት ለመቃወም ሲዳዳኝ በሌላ በኩል ደግሞ የማይሆን ነገር ውስጥ ገብቼ እንዳልሳሳት በሚል የሀሳብ አጣብቂኝ ውስጥ ሳለሁ በአንድ ወቅት ግርማሜ ነዋይ "ብርሃኑ የሚደግፍህ ጠንካራ ድርጅት ሳይኖር ዝም ብለህ ብትጮህ ምን ታመጣለህ?" ሲል ጣል ያደረገብኝ ቁም ነገር ትዝ አለኝ። ያም ሆኖ ለአገሬ ስል የምከፍለው ክብር መስዋዕትነት፣ በውጭ አገረ ከሚጠብቀኝ የማይታወቅ የሕይወት ዕጣ ፋንታና ፍርሃት፣ ያፈራሁትን ሀብት ከማጣት ስጋት፣ እንዲሁም ከወዳጅና ከዘመድ የመለየት ሁኔታ ጋር ሲነጻጸር ከፍ ያለ ቦታ ይኖረዋል ወደሚል ድምዳሜ አዘነበልኩ።

በተስፋዬ ( ባሻዬ ) ኃ/ማርያም የተሰናዳው " የባሻዬ ውጎች " መጽሐፍ ለንባብ በቅቷል :: በሁሉም ቅርንጫፎቻችን ታገኙታላችሁ !

በአጎራባቿ ሠራባ ከተማ ምዕራብ በኩል መቶ ሜትር ወጣ ብዬ ዋልድባ ጫፍ ላይ ቆሜያለሁ። ረፋድ ሆኖል። መምህሩ አሁንም አጠገቤ ድንዛዜዬ ያስጨነቀው መስሎ በጸጥታ ተገትሯል። ሠራባ ልክ እነደ እረኛ ጋሜ የተራራ ጫፍ ላይ ጉች ያለች እንደነገሩ ከተማ ነች። ከጀርባዬ አንድ ክፍለ ጦር የወታደር ካምፕ ሰፎሯል። ከአዲስ አበባ ካርቱም የሚዘልቀው መንገድ ከተማዋን ለሁለት ከፍሎ የወታደር ካምፑን ወደ ግራ ትቶ ወደ እልፍ ይጉዳል። ማየት እስከምችለው ጥግ መንገዱን ተከተልኩት። ዓይኖቼን እያንከራተትኩ ዙሪያ ገባውን ለመቃኘት ሞከርኩ እዚያ ማዶ በሰሜን በኩል አይደፈሬዎቹ የወልቃይት ምድር ሰልፈኛ ተራሮች ስትር ብለዋል። አሰላለፋቸው የሆነ ተጠንቀቅ ነገር አለበት። በላያቸው ላይ ለያዥ ለገናዥ ያስቸገረ ሰጋር የበልግ ንፋስ በማናለብኝነት ይጋልባል። በግራዬ በኩል እስከ አድማሱ ጥግ ተንጣሎ የሚታየኝ የቋራ ምድር ነው።በመካከል የዮሐንሱ መተማ አርምሞን ተከናንቦ ተዘርግቷል። መምህሩ ሹክክ ብሎ ተጠግቶኝ አለኝ... "ሆይ ሆይ... እመትዋ ሠራባን መቶ ሜትር አልፈው ዋልድባን ተረገጡ ማቆልቆል ነው።" አዎ መተማን፣ ካርቱምን፣ ሱዳንን፣ ካይሮን፣ ምናልባት ባቢሎልንን ኹሉ አልፎ የሚሄድ ዘላለም የሚመስል ቁልቁለት የሚጀምረው እዚህ ጋር ነው።...

የፊታችን ቅዳሜ ሰኔ 6 ቀን የመጽሐፍ ፊርማ ስነስርአት ይኖረናል !

የክረምት የስነጽሑፍ ስልጠና !

"ይቺ ሀገር ውለታ ለዋለላት አትሆንም" ይላል። ይሄን ሲል ሰምተው ለሀገርህ የሰራኸው ውለታ ምንድን ነው? ብለው ሲጠይቁት፦ "ለናት ሀገር ጥሪ ዘምቼ ነበር። ሚንስ ቤት እንጨት ፈላጭ ነበርኩ።"ብሎ ሲመልስ አፉን እንኳን ሀፍረት ጥቂት ያዝ አያደርገውም። ማድቤት ለማድቤት ሲንፏቀቅ የከረመ እንኳን ዛሬ ለኑሮው መናጋት የሚወቅሰው ሀገሩን ነው። ሀገር መስደብ እና መውቀስ ለስንፍና ማባበያ የሚሆንበት ዘመን ላይ ደርሼ ይህን አያለው ብዬ አስቤ አላውቅም ነበር። እኔ ከጀብሃ መንጋጋ ስንቴ ያመለጥኩ፣ ዳር ድንበር ላይ ደረቴን ለጥይት ሰጥቼ የተጋደልኩ ሻለቃ የነበርኩት እንኳን፣ ዛሬ እንጀራዬ ሆኖ ማዕረግ በደረደርኩበት ትከሻዬ አመድ ብሸከምም፣ ሀገሬን ግን 'ውለታ ቢስ ነች' ለማለት አልደፍርም። ሀገር ሁሌም እንደ እናት ነች። ይልቅ እኔ የሚሰማኝ በደግ እናቱ ቤት ክፉ እንጀራ አባቶች በተደጋጋሚ እንደሚያጋጥሙት እድለ ቢስ ልጅ አይነት ነው። ለዚህም ደግ እናቴን በጭራሽ አልወቅስም።